Vətəndaşlıq mənsubiyyətinin müəyyən olunması qaydası

AR-in Yekaterinburq şəhərindəki Baş konsulluğunun əhatə dairəsinin nəzərə alınması ilə bağlı vətəndaşların diqqətinə!

Baş konsulluğa konsulluq xidmətləri ilə bağlı müraciət etmədən öncə 1963-cü il Konsulluq əlaqələri haqqında Vyana konvensiyasının 4-cü maddəsinin 2-ci bəndi ilə tənzimlənən konsulluq dairəsi (Konsulluq qurumunun yerləşmə məkanı, onun sinifi və konsul dairəsi yerləşdiyi ölkənin razılığı ilə təmsil olunan dövlət tərəfindən müəyyən edilir) (AR-in Yekaterinburq şəhərindəki Baş konsulluğunun konsulluq dairəsinin siyahısı) üzrə müəyyən olunmuş region prensipinin nəzərə alınması xahiş olunur.

 

Vətəndaşlıq mənsubiyyətinin müəyyən olunması qaydası

 Elektron növbə portalı - https://appointment.mfa.gov.az/az 

Vətəndaşlığı və şəxsiyyəti təsdiq edən müvafiq etibarlı sənədləri olmayan Azərbaycan Respublikası vətəndaşlarının Azərbaycan Respublikası vətəndaşlığına mənsubiyyətini müəyyən etmək üçün Baş konsulluğa aşağıdakı sənədlər təqdim olunmalıdır:

 

  1. 1 ədəd ərizə-anket;
  2. 2 ədəd rəngli foto-şəkil (3x4);
  3. Şəxsiyyəti təsdiq edən hər hansı sənədin surəti (şəxsiyyət vəsiqəsi, ümumvətəndaş pasportu, doğum haqqında şəhadətnamə, köhnə SSRİ pasportu, valideynlərə məxsus sənədlər və s.);
  4. Dövlət Miqrasiya Xidmətinə sorğu göndərilməsi üçün 10 ABŞ dolları məbləğində dövlət rüsumunun Baş konsulluğun bank hesabına (Bank rekvizitləri: Филиал «Центральный» Банка ВТБ, ИНН получателя: 9909058879, Номер счета получателя платежа: 40807810300280209497, БИК: 044525411, Корсчет: 30101810145250000411)  ödənilməsini təsdiq edən qəbz;
  5. Müraciətin cavabının ərizəçinin ünvanına göndərilməsi üçün üzərində ünvan yazılmış zərf və müvafiq məbləğdə poçt markası. 

Qeyd: Şəxsiyyəti təsdiq edən sənəd (məs: doğum haqqında şəhadətnamə) digər ölkənin (məs: Rusiyanın) aidiyyəti qurumu tərəfindən rəsmiləşdirildiyi halda həmin sənədin Azərbaycan dilinə tərcüməsi də təqdim edilməlidir. 

Son yenilənmə tarixi: 18.01.2022

Arxiv üzrə axtarış